Babaye nga angkas sa motorsiklo, patay sang nasangit kag nakuryente sa nagaluyloy nga kable sang kuryente sa Sara, Iloilo

SARA, Iloilo –Patay ang 46-anyos nga babaye nga nasangit kag nakuryente samtang naga-angkas sa motorsiklo sa Brgy. Bakabak, Sara, Iloilo kahapon, Mayo 19.

Ginkilala ang napatay kay Joan Pinicillia sang Brgy. Bakabak, Sara.

Suno kay PMAJ Jose Nehemias Pamplona, hepe sang Sara Police Station, naga-angkasanay sa motorsiklo sanday Pinicillia, Jonas Amangas kag Ronald Guerra kag papuli na sang nasangit sila sa nagaluyloy nga kable sang kuryente kag natumba.

Gin-uyatan ni Pinicillia ang kable agud ilikaw ang iya nga upod, pero nakuryente siya.

Ginhingagaw dala sa ospital si Pinicillia apang gindeklarar nga dead on arrival. –via Dave Bucayan