Souvenir shops kag fruit stands, bukas sa mga local tourists nga luyag magkadto sa Manggahan Festival

Bukas ang mga souvenir shops kag fruits stand sang luyag magbakal sang paho sa 28th Manggahan Festival.

Ini bisan pa suno kay Ms. Liberty Ferrer, officer-in-charge sang Guimaras Provincial Tourism Office nga ginkanselar ang pila ka mga aktibidad sa Manggahan Festival nga may mass gatherings.

Nagdesisyon man suno kay Ferrer ang provincial government nga ipaiway ang paghiwat sang mango eat-all-you-can matapos nga mabudlay nga ipatuman ang minimum health standards ilabi na ang physical distancing.

Lakip sa mga ginkakas nga aktibidad ang Agri-Trade Fair, Manggahan Ride, Press Conference, Manggahan by the Beach kag Manggahan Sports Fest.

Ang iban nga wala ginkakas nga aktibidad suno kay Ferrer ipaagi na lang sa online activities sa diin ang pinaka-highlights sang festival sa Mayo 22 ang pag-deliver sang State of the Province Address ukon SOPA ni Governor Samuel Gumarin.