Biyahe halin Dumangas Port, Iloilo City-Negros Island vice versa, suspendido halin May 25-31

ILOILO –Temporaryo nga ginsuspender ang biyahe sang mga sea vessels halin Dumangas Port kag Iloilo City pakadto sa Negros Occidental and vice versa.

Base sa joint advisory sang Regional Inter-Agency Task Force kag Regional Task Force for the Management of Emerging Infectious Diseases, epektibo ang temporaryo nga suspension subong nga adlaw, Mayo 25, kag magatapos sa Mayo 31, 2021.

Una na nga gin-aprubahan ang temporaryo nga pag-untat sang mga biyahe halin sa Iloilo City pakadto sa Negros Island and vice versa.

Gin-anunsyar naman kahapon ni DILG Sec. Eduardo Año ang pagsuspender sang sea travel halin sa Dumangas Port pakadto sa Negros Island and vice versa.

Ang Iloilo City, napa-idalom sa Modified Enhanced Community Quarantine (MECQ) sugod Mayo 23 tubtob Mayo 31. –via RIATF