Compliance Team Head Fernando Jose “Boyet” Rico, nangin emosyonal nga nagapangayo sang pasaylo bangud sa viral post niya nga ‘Lunch After Swabbing’ 

ILOILO CITY –Nangin emosyonal nga nag-sorry si Executive Assistant for Barangay Affairs kag Compliance Team head Fernando Jose “Boyet” Rico kasunod sang pagkaon niya sa isa ka restaurant pagkatapos nga nagpa-swab kag gin-post pa sa iya nga Facebook account.

Suno kay Rico, la-1:45 sang hapon sang Mayo 25, nakatapos siya sa pagpa-swab sa Freedom Grandstand.

Ginpahayag ni Rico nga may diabetes siya kag gin-hypo pa. Nagapamahulay na siya rason nga dali-dali siya, kaupod ang tatlo pa niya ka mga staff, nga nagkadto sa restaurant kag nag-inom sang softdrinks dala na lang kaon.

Gin-ako ni Rico nga nakasala siya. Suno sa iya, tawo man lang siya kag nagakabalaka nga malipong siya kag dal-on sa ospital.

Base sa EO No. 43 ni Mayor Jerry Treñas, dapat mag-quarantine ang mga gina-swab samtang wala pa nagguwa ang resulta. –via Jeremae Ventar