EA for Barangay Affairs Boyet Rico, nag-resign bilang Compliance Team Head

Iloilo City — Ginkumpirmar ni Mayor Jerry Treñas ang pag-resign ni Executive Assistant for Barangay Affairs Fernando Jose “Boyet” Rico bilang head sang Compliance team.

Kasunod ini sang pagpakamalaot kay Rico sa social media sa pag-post niya sang litrato nga yara sa restaurant pagkatapos nga nagpa-swab.

Emotional naman nga nagpangayo sang pasaylo si Rico sa nahimo niya nga sala.

Gin-post man niya ang resulta sang iya negative RT-PCR test.

Maga-epekto subong nga adlaw ang resignation ni Rico.

Gintal-us nga head sang Compliance Team si Task Force on Morals and Values Formation Nestor Canong suno sa alkalde.