September 26, 2022

‘Indi gid malikawan nga may ‘da moves” — Liga ng mga barangay Vice Pres. Roberto Niño sa mga nagapalusot sang COVID-19 vaccination ticket

Read Time:1 Minute, 15 Second

Iloilo City — Indi malikawan nga may mga nagapalusot sang ticket sa vaccination site.Ini ang ginpahayag ni Liga ng mga Barangay spokesperson kag Calumpang, Molo Punong Barangay Roberto Niño kasunod sang mga report nga may mga nagasal-ut sa linya sa COVID-19 vaccination site nga may vaccination ticket bisan wala nalakip sa priority list.

Suno kay Niño, may mga nadakpan na halin sa tatlo ka mga barangay sa syudad nga nagpalusot sang vaccination tickets.

Ginpahayag niya nga base sa iya pagpangusisa halin ang mga vaccination tickets sa BHERTs kag barangay kagawad. May yara man nga halin sa senior citizen nga indi na luyag magpabakuna gani ginhatag na lang sa iya himata.

May yara man ginhatagan sang vaccination ticket nga indi senior citizen kag wala comorbidity.

Wala ginpasugtan suno iya nga makasulod kag bakunahan ang mga natungdan bangud nahibaluan nga wala sila nalakip sa priority list.

Bangud sini, gin-emphasize ni Niño sa mga barangay officials nga ihatag ang vaccination tickets sa mga senior citizens nga nagakinahanglan sang bakuna.

Ginpasiguro nila nga dapat nalakip gid sa A1 ukon frontline healthcare workers, A2 ukon senior citizens kag A3 ukon may mga comorbidities ang mga mabakunahan batok sa COVID-19.

Suno kay Niño sa kadamuon sang ila nga gina-monitor nga mga ginabakunahan, indi gid malikawan nga may ‘the moves’ ang pila ka mga pumuluyo kag palusot sang iban.

Ginapatawag sang presidente sang Liga ng mga Barangay kag ginapa-explain ang barangay officials sang natabo kag gin-take note agud indi na maliwat.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Liquor ban kag curfew sa Iloilo City, i-extend tubtob Hunyo 30 — Mayor Jerry Treñas
Next post 2 patay lakip ang high ranking CPP-NPA member sang nagserbe sang warrant of arrest ang CIDG 6 sa Pavia; CIDG 6, nanindugan nga nagbato ang mga napatay