October 7, 2022

Probinsya sang Iloilo, ipaidalum gihapon sa MGCQ sa Hunyo — Gov. Arthur Defensor, Jr.

Read Time:1 Minute, 21 Second

ILOILO – Ginkumpirmar ni Iloilo Governor Arthur Defensor Jr., nga may abiso na siya halin sa National Inter-Agency Task Force nga ipaidalum gihapon sa Modified General Community Quarantine (MGCQ) ang probinsiya sang Iloilo sa Hunyo.

Suno kay Defensor, “May advise na kita nga MGCQ sa gihapon ang [quarantine] classification sang probinsiya. But we are waiting for the official nga resolution sang IATF nga ginapaabot naton sa Lunes (Mayo 31) kay sa Lunes pa man ma-expire ang aton nga executive order sa aton nga MGCQ.”

Indi na kinahanglan suno sa iya nga pataasan ang quarantine classification sang probinsiya sa pihak nga nagadamo ang kaso sang COVID-19. “We have made adjustments sa aton nga MGCQ within the parameters of the MGCQ kag suno man sa provision sang Omnibus guidelines sang aton task force. Basically ang MGCQ – ang travel, ang mobility sang tawo limited only to securing the essentials and the basic [needs]. We have made our adjustments.”

Dapat suno sa iya nga pabaskugon pa gid ang implementasyon sang mga health protocols sa probinsiya kag pagbulig sa mga ospital nga madugangan ang COVID-19 bed capacity.

Kahapon, Mayo 29, ginsapol sang gobernador ang mga alkalde sa probinsiya kag gin-istoryahan ang plano nga pagdugang sang mga measures agud maximize ang pagpanubo sa sirkulasyon sang mga tawo ilabe na ang mga non-essential travel agud mapunggan ang pagdamo sang COVID-19 cases.

Ginplastar man sa sinapol ang pagpasangkad sa information and education campaign sa COVID-19 vaccination kaupod ang pribado nga sektor agud mapalapit pa gid sa mga pumuluyo.

Natalana nga magpagguwa sang executive order ang gobernador may kaangtanan diri. — via Firingline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 2 highly-urbanized cities sa Western Visayas, gin-classify nga ‘high risk’ sa COVID-19 — DOH 6
Next post 1 patay, 1 na-ospital matapos nakuryente sa Ajuy