Pwersa sang rebelde sa Panay, ginapanan-aw sang Philippine Army nga magahuyang kasunod sang kamatayon ni Reynaldo Bocala, ang ginatudlo finance officer sang Kilusang Rehiyong Panay

Iloilo City — Ginapanan-aw ni Maj. Cenon Pancito III, spokesperson sang 3rd Infantry Division sang Philippine Army nga amat-amat na nga magahuyang ang pwersa sang mga rebelde nga grupo sa Panay kasunod sang kamatayon ni Reynaldo Bocala, ginakabig finance officer sang Kilusang Rehiyon Panay.

Bilang finance officer suno kay Pancito, si Bocala ang naga-uyat sang kwarta sang grupo nga mas kinahanglan ilabe na sa ila pagkaon.

Mas maganubo ang morale sang mga hangaway sang mga rebelde, suno kay Pancito kun wala na sang suporta sang ila mga leader.

Base sa mga record sang Philippine Army kag sa mga impormasyon nga ila nakuha halin sa ila mga intelligence, nga may mga nag-surrender man nga miembro sang NPA, parte sang regional leadership sang kilusan ni Bocala suno kay Pancito.

Madugay na nga na-monitor sang mga otoridad si Bocala nga nagatinir sa Pavia.

Ginpahayag man ni Pancito nga lain-lain nga mga lugar ang ginateniran sang ila grupo base sa ila monitoring. Si Bocala ang napatay sang ginpahayag nagbato sa mga otoridad sang ginserbehan sang warrant of arrest sa iya ginateniran sa Balabag, Pavia sang Mayo 28.

Upod niya nga napatay ang kaupod niya sa balay nga si Welly Arguelles Epago. – via FiringLine