October 7, 2022

Ginapatihan mga tul-an sang tawo, nakutkutan sa gina-construct nga barangay gym sa Brgy. Rizal Lapuz Sur

Read Time:1 Minute, 3 Second

Iloilo City — Nasapwan sang mga construction workers ang ginapatihan mga tul-an sang tawo sa gina-construct nga basketball court sa Barangay Rizal Lapuz Sur kaina sang aga.

Nagakutkot ang mga construction workers para sa pundasyon sang basketball court sang naglagpok ang pala kag nakita ang mga tul-an nga nasulod sa ginapatihan lungon.

Nagapati naman si anay barangay kagawad Shim Alconga, 67-anyos, nga mga tul-an sang tawo nga nasulod sa lungon ang nakutkutan base man sa nakita niya nga bagol kag mga unto.

Ginbata kag nagdako siya sa lugar apang subong pa lang siya nakahibalo nga may ginlubong diri nga tawo.

Kakugnan sadtu ang amo nga lugar antes gin-develop suno kay Aloconga.

PANAHON PA SANG MGA HAPON

Suno naman kay barangay kagawad Arnel Labiyo, panahon pa sang hapon ang nakutkutan nga mga tul-an sang tawo base man sa pagpangusisa niya sa iya lola.

Nahadlok sadtu suno sa iya lola nga magkadto sa patyo ang mga residente nga may minatay bangud madamo sang checkpoint ang mga hapon gani ginpakamaayo nila nga ilubong ang ila himata sa mga tago nga lugar.

Ginsulod sa sako sang semento ang mga tul-an, kag plano nga pa-bendisyunan kag ilubong agud maglinong suno kay Labiyo ang kalag sang napatay. — via BBB

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post LOOK | Mga dapat tandaan sa pag-extend sang MECQ sa Iloilo City tubtob Hunyo 15
Next post Typhoon Alert | 4 banwa sa Iloilo, napaidalum sa Signal No. 2; Iloilo City kag Guimaras, napaidalum naman sa Signal No. 1 — PAGASA