September 26, 2022

Nurse sa WVMC nga nagpositibo sa COVID-19, napatay; Ospital, ginhaylo ang publiko nga magsunod sa minimum health protocols

Read Time:1 Minute, 50 Second

ILOILO CITY –Ginakasubo gid sang Western Visayas Medical Center (WVMC) ang kamatayon sang isa nila ka nurse nga nagpositibo sa COVID-19.

Suno kay WVMC Spokesperson Richard Saltin, babaye ang personnel nga napatay sang weekend kag ginabanta naga-edad mga late 50s nga assigned sa opisina.

“Waay ni siya gakuha sang pasyente nga exposed [sa COVID-19] kay tungod nga may mga comorbidities ni siya. So gin-assign siya anay namon sa office para waay siya sang exposure.”“Natapikan siya sang COVID-19 nga considering nga ti damo-damo na gid ang cases diri subong sa ospital. As of now, may ara na kita sang 83 ka mga positive nga mga patients diri subong and may ara pa kita mga backlogs. Notisyaran gid ni namon basta nga magsaka ang kaso sang mga [COVID-19] cases nga ginadala diri sa Western Visayas Medical Center, nagasaka man ang aton nga kaso sa mga personnel nga nagpositive,” suno kay Saltin. “Bagsik gid si COVID-19 subong kag hopefully maintindihan gid sang tanan nga kun ano ang madulot sini sang COVID-19 sa aton.”

Ginkumpirmar ni Saltin nga gin-admit sang nagligad nga semana ang nurse nga napatay kag may mga sintomas na siya.

“May ara siya complaint nga daw nabudlayan sa pagginhawan pero tolerable pa. Pero after nga na-admit na siya kag mga days after naglala nga naglala kag waay na gid namon natatapan pa.” Siya ang labing una nga napatay bangud sa COVID-19 halin sa ospital subong nga tuig kag nagalaum kag nagapangamuyo gid sila nga indi na madugangan. “Sa subong nga tuig amo ni ang aton una nga casualty [sa COVID-19]. Hopefully nagapangamuyo gid kami nga waay kay bisan ano namon nga paga-ubrahon sa aton infection, prevention, and control…nagalusot gid siya.”

Sa ila impormasyon, wala pa mabakunahan batok sa COVID-19 ang nurse nga napatay pero i-check pa nila agud makasiguro.

Wala untat man suno sa iya ang paghaylo sa mga personnel nga magpabakuna gid. Bangud sa padayon nga pagdamo sang COVID-19 sa siyudad kag probinsiya sang Iloilo, naga-apelar siya sa publiko nga mag-obserbar gid sa minimum health protocols agud indi matapikan sang balatian. — via PM Reports

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Iloilo City, ipaidalum sa MECQ halin June 1-15, 2021; Iban pa nga lugar sa Western Visayas, ipaidalum naman sa MGCQ halin Jne 1-30, 2021
Next post Pag-suspend sang operasyon sang tourism facilities, recreation kag accommodation establishments sa Iloilo province, gin-extend halin Hunyo 1 ‘until revoked’