Mga taga-probinsya sang Iloilo nga indi essential worker kag wala sang emergency reasons, indi makasulod sa Iloilo City sa pag-epekto sang EO No. 50-A ni Mayor Jerry Treñas

Indi pagpasudlon sa Iloilo CIty ang mga taga-probinsya sang Iloilo kun indi man lang essential worker sa siyudad kag wala sang emergency reasons bisan pa may travel pass siya nga gina-uyatan nga gin-isyu sang probinsya.

Suno ini kay Iloilo City COVID-19 Spokesperson Jeck Conlu kun mag-epekto na ang EO no. 50-A ni Mayor Jerry Treñas nga nagadumili sang non-essential travel sa siyudad.

Ginhalimbawa niya ang mga magapang-grocery sa siyudad nga wala na-classify sa EO ni Mayor Treñas bilang mga APOR.

Gina-encourage suno sa iya ang mga taga-probinsya nga magapamalaklon lang sa siyudad nga kun mahimo sa ila lang anay nga lugar magbakal tubtob nga matapos ang effectivity sang EO sa Hunyo 15.

I-hold suno kay Mr. Conlu kag pabalikon sa lugar nga ila ginhalinan ang madakpan sa siyudad nga wala sang quarantine pass. – via FiringLine