October 7, 2022

IPPO, may himuon nga adjustments agud indi magpugok ang trapiko sa mga border control points sa probinsya

Read Time:2 Minute, 38 Second

ILOILO – “We cannot perfectly implement the plan that we have because there are peculiarity. Tama na ang obserbasyon kaina, may mga dapat i-adjust.”

Ini ang ginpabutiyag ni Iloilo Police Provincial Office (IPPO) Director Police Colonel Gilbert Gorero kasunod sang malaba nga pila sang mga salakyan sa una nga adlaw sang implementasyon sa restriction sa non-essential travels sa probinsiya.

Wala ginapasugtan nga makalabay sa mga border control points ang mga wala sang dala nga travel pass.

Suno kay Gorero, “We immediately find the solution…First, it’s a must indeed to have the fast lane. Second, other than the fast lane, we have also to identify lane intended for all motorcycles para mas madali kay sometimes sa mga [naga-]motorsiklo – amo na nga nagadugay kay we have to stop and kun kaisa ang ila nga travel pass ara pa sa wallet –So it will take time indeed nga naga-harang sa kalsada kun indi naton nga sila pagbutang sa isa ka lugar.

Dapat may ara sila seperate nga alagyan.”Sayluhon man ang mga quarantine control points nga malapit sa crossing nga alagyan agud indi pa gid magdugang sa pagpugok sang salakyan.

Ginkumpirmar man ni Gorero nga may residente nga ginbalik kag wala ginpaagi sa quarantine control points bangud wala na-establisar nga essential ang ila pagbyahe.

“May ara to kaina kita nga ginpabalik dahil hindi naton na-establish naman ang necessity sang ila nga purpose but they insist nga mag-agi. That’s why ginasiling naton.. we are strictly implement the Executive Order of the governor for non-essentials.”

May yara man nga residente nga wala sang travel pass bangud sa kasakuon sang ila trabaho gani ginpasugtan nga makalabay sa control points kag ginpahanumdom nga gilayon nga magkuha sini.

Ginapanindugan ni Gorero, “Wala man masyadong problema gid sa amon. Ang amon lang gid kaina nga wala ginhatagan time, those commuters nga wala gid sila sang ipakita kag indi gid ma-justify ang ila purpose why they need to pass by our quarantine control points. Ginasiling gani naton we’re so sorry for them.”

Gin-abi-abi man ni Gorero ang kooperasyon sang mga travelers. Suno pa kay Gorero, “We really acknowledged those commuters and travelers with travel pass nga laminated because it really makes our works easier.

Ang policy pa naman naton is non-policy contact —meaning as much as possible we refrain from asking the document but kun laminated na siya…ara lang da sa kamot or ara lang da sa aton nga kulintas…makita sang aton kapulisan, indi na gid na siya magdugay pa kag we give permission to pass.”

Gin-athag niya nga indi requirement nga ipa-laminate ang travel pass pero mas makabulig gid ini ilabe na sa mga naga-motorsiklo.

Kada adlaw may himuon sila nga adjustments agud mapadali ang tanan.

“SA MGA COLLECTOR”

Kun may employer ang mga collectors, mahimo sila nga magpapirma sang ila travel pass.

Kag sa mga residente sang Iloilo City, pwede nila nga magamit ang ila quarantine pass nga gin-issue sang barangay.

Sa mga Indian national naman nga nagapanukot, mahimo sila nga magpangayo sang travel pass sa barangay kun diin sila nagapauli. — via Firingline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Mga taga-probinsya sang Iloilo nga indi essential worker kag wala sang emergency reasons, indi makasulod sa Iloilo City sa pag-epekto sang EO No. 50-A ni Mayor Jerry Treñas
Next post IPPO, magahimo sang adjustment agud indi magpugok ang trapiko sa mga quarantine control points sa probinsya