Janiuay LGU, naka-record sang 21 new cases sang COVID-19 sang Hunyo 4
ILOILO – Gin-report sang local government unit sang Janiuay ang 21 ka bag-o nga kaso sang COVID-19 kahapon, Hunyo 4.
Suno kay Mayor Bienvenido Margarico, ini ang pinakamataas nga kaso nga na-record sa sulod sang isa ka adlaw.
Gilayon nga naghimo sang contact tracing ang LGU.Ginapangabay ni Mayor Margarico ang mga pumuluyo nga magsunod gid sa mga health protocols agud indi na maglapta ang virus.
“Tandaan ninyo nga ang aton kontra indi naton makita gani ang aton pag halong, pag kooperar kag pasunod sa mga health protocols ang pinaka epektibo nga pamaagi agud nga mapakigbatuan naton ang ini nga pagtiraw,” ang pahayag sang alkalde sa iya Facebook post. –Lgu-Janiuay Office of the Mayor