Ginpatihan vintage grenade, naglupok sa compound sang balay ni former Antique provincial administrator Eric Otayde

SIBALOM, ANTIQUE – Indi pa matumod ni former Antique Provincial Administrator Eric Otayde kun ginhabuyan sang explosives ang compound sang iya balay sang Domingo sang gab-i, Hunyo 6.

Suno kay Otayde, nagapanyapon sila sang nabatian ang tuman ka tunog nga lupok. Ginpahayag niya man nga may mga witness nga naghatag sang statement sa kapulisan nga may nakita sila nga tawo nga naka-motorsiklo sa guwa sang compound antes nabatian ang pagsigabong.

Sa findings naman sang San Jose Explosive and Ordnance Division suno kay Otayde, ila ginpahayag nga posible vintage grenade nga nalubong sa duta ang naglupok kag posible nga na-trigger bangud sang pag-ulan.

Wala man sang matumod nga rason si Otayde para nga habuyan sang explosives ang iya nga compound pero ginpahayag niya nga nangin-kritikal siya sa administrasyon sa probinsya sang Antique sa iya mga posts sa social media. — via Aksyon Night Patrol