September 26, 2022

6 miembro sang Sta. Barbara police, 7 miembro sang SWAT nga nagresponder sa lalaki nga may nervous breakdown, nagpaidalum sa strict quarantine kasunod sang impormasyon nga nagpositibo sa COVID-19 ang lalaki

Read Time:1 Minute, 3 Second

STA. BARBARA, ILOILO – Nagpaidalum sa strict quarantine ang anum ka miembro sang Sta. Barbara Police nga nag-responder sa lalaki nga may nervous breakdown sang Lunes sang gab-i.

Suno kay Maj. Raymund Celoso, hepe sang Sta. Barbara Police Station, may inisyal sila nga impormasyon nga nabaton nga nagpositibo sa COVID-19 ang lalaki nga napatay sa ospital.

Ginpahayag ni Celoso nga natingala siya kun paano nagpositibo sa virus ang lalaki bangud wala man siya nagaguwa sa ila nga balay.

Bilang pagsunod sa protocol, ginpakamaayo sang mga pulis nga mag-strict quarantine. Dugang pa ni Celoso, ginahulat na lang nila ang kopya sang RT-PCR test result sang lalaki agud may basehan sila sa pagpa-swab.

Magluwas sa anum ka mga pulis sang Sta. Barbara Police Station, naka-strict quarantine man ang pito ka mga miembro sang SWAT nga upod nila nga nag-responder.

Matandaan nga nagtawag sang pulis ang pamilya sang lalaki nga may nervous breakdown sang Lunes sang hapon, Hunyo 7 agud mapakalma ang ila himata nga may bitbit nga binangon kag kutsilyo.

Gintuyo nga lab-on sang lalaki si Maj. Celoso kabangdanan nga natiruhan siya sang isa pa ka pulis nga nagresponder man sa lugar. Gindala sa ospital ang lalaki apang napatay samtang ginabulong. — via Aksyon Dave Bucayan

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Travel pass sa San Rafael, Iloilo, alkalde lang ang naga-issue; Sistema, balik-awot suno sa residente
Next post 2 alkalde sa probinsya sang Iloilo, nagpaathag kun ngaa wala ginatugyan sa mga punong barangay ang pag-issue sang travel pass