September 26, 2022

BFP 6, ginpangayuan sang paathag sa pagtililipon sa ginhiwat nga blessing kag inauguration sang bag-o nga substation sa Jaro

Read Time:1 Minute, 1 Second

ILOILO CITY (UPDATE) – Ginpangayuan sang paathag ang Bureau of Fire Protection 6 ni Iloilo City Mayor Jerry Treñas kasunod sang ginhiwat nga blessing kag inauguration sang new Alta Tierra Village Substation sa Jaro sang BFP-Iloilo City kadungan sang activation sang Emergency Medical Services kag Fire Motorcycle Unit kahapon, Hunyo 10.

Una nga ginmanduan ni Mayor Trenas sanday Iloilo City COVID-19 team Spokesperson Jeck Conlu kag focal person Dr. Roland Jay Fortuna agud tawgon ang atensyon ni BFP 6 Regional Director Jerry Candido.

Suno kay Conlu, “Kaina naghambal si Mayor Jerry Treñas sa aton nga padal-an sang notice ang BFP [6] for proper explanation nila sa natabo nga event kaina.”
Ang organizer sang event lang suno sa iya ang pangayuan sang paathag bangud sa natabo nga mass gathering.
Yara man sa event si Iloilo City Rep. Julienne “Jam-Jam” Baronda.

Gin-ako ni Conlu nga “daw wala kami may nakita nga documents nga naga-ask sila sang permission or nangayo sang guidance para sa ila activity,” sa nasambit nga aktibidad.

Napaidalum sa modified enhanced community quarantine (MECQ) ang Iloilo City tubtob Hunyo 15 sa diin ginadumilian ang mass gathering.

Pareho nga nagpangayo sang pasaylo sanday Candido kag Baronda. –via Firingline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post ‘I apologize for this lapse in judgment’– Iloilo City Lone District Rep. Julienne Baronda sa pagtambong niya sa event sang BFP-Iloilo City sa Jaro nga nakuhaan sang litrato
Next post Pag-extend pa gid sang MECQ status sang Iloilo City, ginatun-an sang COVID-19 team