Iloilo City, ma-request sang MECQ extension tubtob Hunyo 30
ILOILO CITY — Ma-request sang extension sang Modified Enhanced Community Quarantine (MECQ) ang Iloilo City sa National Inter-Agency Task Force tubtob sa Hunyo 30.
Base sa rekomendasyon sang COVID-19 Team, ma-request ang syudad sang MECQ bangud sa padayon nga pagdamo sang COVID-19 cases. Ang syudad ang naga-record sang masobra 100 cases kada adlaw halin sang Mayo 26.
Sang Hunyo 10, naka-record sang 171 cases ang syudad.
Una na nga gin-anunsyar sang IATF nga tubtob Hunyo 15 ang MECQ status sang Iloilo City gani ma-request ang siyudad para sa extension tubtob sa katapusan sang bulan.