74-anyos nga babaye, patay sang nabungguan sang salakyan sa Dumangas
ILOILO PROVINCE — Patay ang 74-anyos nga babaye sang nabungguan sang pribado nga salakyan sa Barangay Pagdugue, Dumangas kahapon sang aga, Hunyo 11.
Ginkilala ang napatay kay Desposoria Formalidad nga may pilas sa ulo.Suno kay Police Major Joven Arevalo, hepe sang Dumangas Police Station, halin sa Barotac Nuevo ang salakyan nga ginamaneho ni Kevin Rexil Almera kag pakadto kuntani sa Iloilo City.
Base sa imbestigasyon sang pulis, nagatabok ang babaye sang nabungguan siya sang salakyan.Wasak ang windshield sang salakyan, suno kay Arevalo.
Ginpabutyag naman sang driver nga mahinay ang iya nga pagpadalagan apang suno kay Arevalo, madasig ang pagmaneho niya bangud nagtabog gid sang kapin 10 metros ang babaye.
Gin-custody sang Dumangas Police si Almera. — via Aksyon Angel Mae Ciudad
