Operations sa opisina sang Alimodian LGU, temporaryo nga gin-suspend sang isa ka semana bangud sang nagataas nga kaso sang COVID-19 sa banwa
ILOILO — Temporaryo nga gin-suspend ang operations sa opisina sang local government unit sang Alimodian sugod subong nga adlaw tubtub Hunyo 18 bangud sang safety precautions.
Sa announcement sang alimodian LGU, nagadamo ang kaso sang COVID-19 sa banwa rason nga gina-require ang mga empleyado nga mag-work-from-home sang isa ka semana agud makontrol ang transmission sang balatian.
Magapadayon naman ang disinfection sa municipal building kag temporaryo man nga gin-suspend ang tanan nga essential transactions.
Magapadayon naman ang pag-issue sang travel pass sa mga taga-Alimodian nga nagatrabaho sa siyudad sang Iloilo kag mapadulong sa iban nga banwa para sa ila importante nga kinahanglanon.