Iloilo City, buksan sa gihapon ang borders kag non-essential establishments sa Hunyo 16 bisan nga ginpaidalum sa MECQ — Mayor Jerry Treñas

ILOILO CITY — Buksan sa gihapon ang borders kag non-essential establishments sa Iloilo City sa Hunyo 16 bisan pa nga i-extend ang Modified Enhanced Community Quarantine.

Suno kay Mayor Jerry Treñas, i-impose sa gihapon kun ano ang ginkasugtan sa meeting kaupod ang business sectors.

30% capacity ang non-essential establishments, pahanugutan ang dine-in services, i-lift ang liquor ban apang dumilian sa gihapon ang public consumption, kag dulaon ang quarantine pass.

Ginpahayag sang alkalde nga buksan gihapon sang syudad ang ekonomiya bangud madamo na sang gutom.

Nakahibalo na suno sa iya sanday Secretary Carlito Galvez, Eduardo Año, Delfin Lorenzana kag ang DOH.

Apang makonsulta pa ang syudad sa Regional IATF kun ano pa gid ang pwede mahimo sang syudad sa MECQ extension. — via Aksyon Jeremae Ventar