October 7, 2022

Mga gin-tag nga close contact sang COVID-19 cases sa Iloilo City, indi na mandatory nga ipaidalum sa RT-PCR test kun asymptomatic

Read Time:1 Minute, 12 Second

ILOILO CITY – Indi na mandatory nga i-subject sa RT-PCR testing ang mga gin-tag nga close contacts sang mga kumpirmado nga COVID-19 cases sa Iloilo City kun asymptomatic sila ukon wala sang sintomas.


Suno kay Iloilo City COVID-19 team Spokesperson Jeck Conlu, “Kun close contact ikaw, subject for mandatory [nga] 14 days quarantine ikaw dayon. Now, kun mag-develop ikaw [sang] symptoms, amo na ‘na ang pag-swab sa imo. Pero kun wala, ma-mandatory ka gid [nga] 14 days quarantine.”

Base sa Section 11 sang Executive Order No. 53 ni Iloilo City Mayor Jerry Treñas nga nagaplastar sang guidelines sa idalom sang modified enhanced community quarantine (MECQ) tubtob sa Hunyo 30, ang mga close contacts nga naga-quarantine nga makitaan sang sintomas ang dapat gilayon magpakig-angut sa local health authorities agud mapaidalom siya sa RT-PCR testing.

Bag-o ini suno kay Conlu nga health protocols sa siyudad, nga gina-practice man sang iban nga probinsiya kag highly urbanized cities sa pungsod.

Ginapasugtan suno sa iya ang home quarantine sa mga close contacts.

Hatagan naman sang clearance ang mga naka-kompleto sang 14-day quarantine.

Samtang, nabutang man sa nasambit nga EO nga ginapasugtan ang home quarantine sa COVID-19 positive “provided that home arrangements allow isolation from other family members, subject to the approval of the District Medical Officers, taking into consideration the inspection and recommendation of BHERTs and/or Barangay officials.” –via Firingline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Mga ginapatuman nga istrikto nga protocols sa Iloilo province, padayunon samtang wala pa makadesisyon kun i-apelar ang pagpaidalum sa probinsya sa MECQ sa Hunyo 16-30 — Prov’l Administrator Atty. Suzette Mamon
Next post Kargador nga nagpositibo sa COVID-19 nga nalagyo kag wala nag-upod pakadto sa quarantine facility, nakit-an nga hubog sa City Proper