September 26, 2022

Iloilo City Mayor Jerry Treñas, nag-request sa national government sang dugang nga RT-PCR test kits, iban pa nga consumables

Read Time:54 Second

ILOILO CITY – Naghingyo si Mayor Jerry Treñas sa national government sang dugang nga RT-PCR test kits kag iban pa nga consumables para sa syudad.

Nagsulat ang alkalde kanday National Task Force Against COVID-19 chief implementer kag vaccine czar Carlito Galvez, Jr. kag NTF deputy chief implementer Vivencio Dizon nga naga-request sang 50, 000 RT-PCR test kits kag iban pa nga consumables nga kinahanglan agud makapadayon kag indi ma-delay ang ginahimo nga massive testing sang syudad.

Suno kay Mayor Treñas, nagdamo ang COVID-19 cases sa syudad sa nakaligad nga tatlo ka semana gani ginakulang ang consumables sa Molecular Laboratory sang syudad bangud sang ginahimo nga massive testing sa mga close contacts.

Ang kakulang sang RT-PCR test kits suno sa iya ang rason kun ngaa nagpatuman ang syudad sang temporaryo nga measure sa diin ipaidalom na lang sa mandatory quarantine sa sulod sang 14 ka adlaw ang mga asymptomatic close contacts sang COVID positive imbes nga i-swab.

Nagalaum ang alkalde nga paboran sang national government ang iya nga request. –via Mayor Jerry Treñas

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Bangkay nga nasapwan sa suba sa La Paz sang Hunyo 16, nakilala na
Next post Capiz, Negros Occidental, nakabaton sang Pfizer/BioNTech COVID-19 vaccine