October 7, 2022

Guimaras Gov. Samuel Gumarin, ginkumpirmar ang pagpositibo niya sa COVID-19; Mag-asawa nga Congresswoman Lucille Nava kag Rahman Nava, na-infect man sang virus

Read Time:1 Minute, 8 Second

GUIMARAS – Ginkumpirmar ni Guimaras Governor Samuel Gumarin sa Aksyon Radyo Iloilo ang pagpositibo niya sa COVID-19.

Suno kay Gumarin, “So far, negative man sila tanan (family). Ako lang gid ang nagpositibo [sa COVID-19]. So maayo gani na.” Ginahilanat pa siya suno sa iya pero gin-label lang nga mild ang iya sintomas.

Nakabulig gid suno sa gobernador ang pagpabakuna niya batok sa COVID-19 rason nga mild lang ang iya sintomas. Fully vaccinated na batok sa COVID-19 si Gumarin.

Una siya nakabatiyag sang nagligad nga semana sang “trangkaso, palanakit [sang] lawas, daw hilanaton ka nga waay ka man hilanat, gapung-ot ang imo…nga waay man unod ang imo ilong. Actually, waay man ko gin-ubo, waay man gadula ang akon [sense of] taste, waay man nagakadula ang akon panimhot,” rason nga nagpaidalom sa RT-PCR testing.

Ginpaidalum man sa RT-PCR test ang mga may close contact sa iya kag negatibo ang ila resulta lakip ang iya asawa kag bata. Madamo siya sang ginkadtuan gani indi niya matumod kun diin gid niya nakuha ang virus.

Ginkumpirmar man ni Gumarin ang pagpositibo sa COVID-19 sang mag-asawa nga Congresswoman Lucille Nava kag Rahman Nava pero pareho nga asymptomatic ukon wala sang sintomas.

Padayon ang panawagan niya nga magsunod gid sa minimum health protocols samtang nagabato ang probinsiya batok sa COVID-19. –via Firingline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Pagsuksok sang face shield bisan sa outdoor settings, liwat ginpaboran ni Pres. Duterte
Next post Pres. Duterte, nagpaandam nga ipa-aresto ang mga magpamalibad nga magpabakuna batok sa COVID-19