Opisina sang DepEd Schools Division sa Passi City, gin-lockdown sang 14 ka adlaw; High-ranking official sang DepEd Schools Division, isa sa mga nagpositibo sa COVID-19 — Mayor Stephen Palmares

Ginpaidalum ni Passi City Mayor Stephen Palmares sa 14 ka adlaw nga lockdown ang opisina sang Department of Education (DepEd) Schools Division of Passi City umpisa subong nga adlaw Hunyo 22 tubtob Hulyo 5.

Ini ang ginkumpirmar ni Palmares matapos nagtaas ang numero sang nagpositibo sa COVID-19.

Hunyo 21 nagdugang sa listahan sa mga nagpositibo sa COVID-19 ang apat ka mga empleyado nga ginalakipan sang isa ka high ranking official sang DepEd Schools Division sang Passi City.

Maga-conduct sang disinfection kag contact tracing ang Passi City LGU sa tanan nga close contacts sang nagpositibo nga mga empleyado.

Ginamandu man sang alkalde sa mga empleyado sang DepEd nga mag-obserbar sang Alternative Work Arrangements (AWA) umpisa subong nga adlaw.

Base sa data sang Passi City Health Office as of 6 am, June 21, 2021, naka-record ang siyudad sang 933 confirmed COVID-19 cases sa diin 53 ang Active Cases, 872 ang recovered kag walo ang napatay. — via Aksyon Mario Gelongo