October 7, 2022

Iloilo Gov. Arthur Defensor, Jr., nanindugan nga indi na pagtandugon ang iya EO nga nagaplastar sang guidelines sa idalum sang MECQ sa probinsya

Read Time:1 Minute, 18 Second

ILOILO – – Indi pagtandugon ni Iloilo Governor Arthur Defensor Jr., ang iya Executive Order No. 200 series of 2021 nga nagaplastar sang guidelines sa idalum sang Modified Enhanced Community Quarantine (MECQ).

Ini ang iya ginapanindugan kasunod nga ginpadal-an siya sang sulat sang Department of the Interior and Local Government (DILG) 6 nga -i-harmonize ang iya EO sa Omnibus guidelines sang IATF.

Ginapahanumdom siya sang DILG nga may probisyon sa iya EO nga wala nagasantu sa Omnibus guidelines lakip na ang pagpahanugot sang gobernador sang dine-in sa mga restaurants samtang napaidalum ang probinsya sa MECQ.

Suno kay Defensor, “Gina-suggest sang sulat [sang DILG 6] nga i-harmonize pero ti nagapati man kita nga may basehan ang pagbutang naton dira sa aton nga executive order. Indi ko ni ‘ya pagtandugon ang akon executive order.”

Una na ginpahayag sang gobernador nga ginbasehan niya ang guidelines sang Department of Trade and Industry (DTI) gani ginpasugtan ang dine-in. Gindugang pa niya, ” Indi na ko’ ya magsulat in writing kay naga-suggest man lang ang sulat nga i-harmonize. Ti nagapati ako nga may basehan ang akon executive order kag kapin pa ang memorandum circular, issuance ina siya sang isa ka departamento sang gobyerno. In fact, kun basahon mo ang sulat, ginakilala man siya sang omnibus guidelines.”Dapat suno sa iya nga respetuhon ang issuance sang DTI. Kun i-harmonize gid man ang guidelines, dapat sa national level ini himuon agud indi mabudlay i-implementar sa ila sa local level.

Napaidalum ang probinsiya sa MECQ tubtob sa katapusan sang bulan. – – via Firingline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Opisina sang DepEd Schools Division sa Passi City, gin-lockdown sang 14 ka adlaw; High-ranking official sang DepEd Schools Division, isa sa mga nagpositibo sa COVID-19 — Mayor Stephen Palmares
Next post 106 years old nga babaye nga taga-New Lucena, Iloilo, nagpabakuna batok sa COVID-19