Sta. Barbara, Iloilo Mayor Rema Somo kag 2 miembro sang iya pamilya, nagpositibo sa COVID-19

ILOILO — Nagpositibo sa COVID-19 sa Sta. Barabara Mayor Rema Somo upod sa iya bana kag bata. Ini ang ginkumpirmar sang alkalde sa Aksyon Radyo Iloilo.

Suno kay Mayor Somo, nakabatyag siya sang sintomas sang COVID-19 sang Sabado kabangdanan nga nagpa-rapid test siya lakip na ang mga kaupod niya sa balay.

Positibo naman ang resulta sang rapid test rason nga nagpa-RT-PCR test sila kag kaina sang aga, Hunyo 27 nagguwa ang resulta nga postibo sila sa virus.

Negatibo naman ang resulta sang test sang iban pa niya ka mga kaupod sa balay kag sang mga empleyado sang mayor’s office.