Vietnamese nga nagpositibo sa COVID-19, ginapangita sang Iloilo City COVID-19 Team matapos nagpalagyo sa gina-arkilahan nga apartment sa Arevalo

ILOILO CITY — Wala sa gihapon ma-locate ang whereabouts sang Vietnamese national nga nagpositibo sa COVID-19. Ini ang ginkumpirmar ni Iloilo City COVID Task Force Spokesperson Jeck Conlu.

Suno kay Conlu, nagpa-swab ang 38 anyos nga Vietnamese national sang Hunyo 24 sa Red Cross Laboratory bilang requirements sa pag–process sang iya S-Pass pakadto sa Palawan apang Hunyo 25 naguwa ang iya RT-PCR result kag nagpositibo sa COVID-19.

Gilayon nga gin-contact sang City Epidemiology and Surveillance Unit (CESU) ang Vietnamese apang hungod nga gin-utod ang linya rason nga nadula ang contact.

Ginklaro ni Conlu nga wala naka-home quarantine ukon naka-facility quarantine ang Vietnamese national. Ginpadalungan sang task force ang apartment sang Vietnamese national ang apartment nga ila gina-istaran upod sa iya asawa nga Pinay apang wala na ang ila gamit.

Magluwas sa Vietnamese national may upod man siya nga siyam ka Cebuano-speaking individuals nga makabig close contacts.

Nagahingyo naman sang bulig si Conlu sa publiko nga maghatag sang impormasyon sa lokasyon sang Vietnamese kag sang siyam ka kaupdanan niya agud malikawan nga makalaton pa sa iban. — via BBB