September 26, 2022

Mag-amay, patay sang nagbunggu-anay ang Isuzu MUX kag wing van truck sa Dumangas

Read Time:49 Second

DUMANGAS, Iloilo – Patay ang mag-amay sang nagbunggu-anay ang ila ginasakyan nga Isuzu MUX sa kasugata nga wing van truck sa Barangay Bantud Fabrica, Dumangas kahapon, Hunyo 29.

Ginkilala ni Police Major Joeven Arevalo, hepe sang Dumangas Police Station ang mga napatay kanday Joey Alison Hermo, 34, kag amay niya nga si Porferio Hermo Jr., 65, pareho nga residente sang Aurora Del Pilar, Dumangas.

Suno kay Arevalo mga las-3:30 natabu ang aksidente. Ginamaneho naman ni Joey Patricio, 31, sang Maninang, Sapi-an, Capiz ang truck.

Sa initial imbestigasyon, ginpahayag sang Dumangas police nga ginsaklam sang MUX ang lane sang truck rason sang pagbunggu-anay. Nagapadayon ang imbestigasyon sang Dumangas police.

Patal nga pilas ang naagum sang mag-amay kag pareho nga dead-on-arrival sa Dumangas District Hospital. Gin-custody sang Dumangas police si Patricio.

Suno kay Patricio, bag-o lang siya nakapanaug sa RoRo vessel sa Dumangas. Madasig suno sa iya ang dalagan sang MUX sang sila ang nagsugata-ay.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Granada kag pusil, na-recover sa drug buy bust operation sa Molo; Kaupod sang subject, patay sang natiruhan matapos ginpahayag nagbato sa pulis
Next post Iloilo City Gov’t, ma-apelar sa IATF nga ipaidalum sa GCQ ang siyudad imbes nga MECQ