2 kapitan nga nadakpan naga-inom sang makahulubog nga ilimnon sa sulod sang resort sa Arevalo, ginapa-esplikar sang Liga ng mga Barangay
ILOILO CITY — Ginapa-eksplikar sang Liga ng mga Barangay ang duha ka mga kapitan nga nadakpan naga-inom sang makahulubog nga ilimnon upod ang pulo ka iban pa nga mga indibidwal sa sulod sang resort sa Arevalo sang, Hunyo 29 sang gab-i.
Suno kay Liga ng mga Barangay Spokesperson kag Calumpang, Molo Punong Barangay Roberto Niño, pasabton kanday Sto Niño Sur Punong Barangay Cesar Espinosa kag Sto Niño Norte Punong Barangay Melvin Minerva agud mabatian ang ila nga bahin.
Ginpabutyag ni Niño nga wala sang disciplining authority ang Liga pero i-refer nila ang resulta sa City-DILG para sa ila nagakaigo nga aksyon.
Ginadumilian sa executive order ni Mayor Jerry Treñas ang pag-inum sang makahulubog nga ilimnon sa public places.Samtang, ginadumilian man ang mass gathering sa areas nga ginpaidalum sa MECQ. | via Aksyon Aljohn Torreta