Apelasyon ni Iloilo City Mayor Jerry Treñas nga ipaidalum ang siyudad sa GCQ halin sa MECQ, wala gin-aprubahan sang IATF

Wala gin-aprubahan sang National Inter-Agency Task Force ang apelasyon ni Iloilo City Mayor Jerry Trenas nga ipaidalum ang siyudad sa GCQ imbes nga MECQ sugod Hulyo 1 tubtob Hulyo 15.

Una diri, ginpahayag sang alkalde nga nag-apelar siya sang GCQ para maka-recover ang mga negosyo sa siyudad pero dapat may heightened health protocols.

Nagpagguwa naman sang Resolution No. 124 ang IATF nga himuon na nga pinal ang nauna nga anunsyo nga extended MECQ sa syudad kag probinsya sang Iloilo halin Hulyo 1 tubtob Hulyo 15.