October 7, 2022

Call center trainee sang BPO company nga HGS, nagreklamo nga wala sila gin-require nga magpaidalum sa RT-PCR testing bisan nagpositibo sa COVID-19 ang ila trainer

Read Time:2 Minute, 8 Second

ILOILO CITY – Nagreklamo ang call center trainee sang Hinduja Global Solutions (HGS) nga nabase sa SM Strata bangud wala sila gin-require nga magpaidalum sa RT-PCR testing kag mag-quarantine bisan nagpositibo sa COVID-19 ang ila trainer.

Suno kay alyas Anna, “May yara kami health insurance, so cover siya [pagpaidalum sa RT-PCR testing] pero the thing is nagmatu-mato lang [pa-test]. Wala sang may nag-reach out sa amon nga like for example [mahambal nga] ’stay at home lang anay kamo’ kay nagpositive si amo ni…ginpa-business as usual kami, ginpabalik sa office – kag hambalan lang kami nga ‘na-sanitize na ang training room.’ Syempre too risky gihapon kay updanay kami sa isa ka room tapos close pa daan, indi siya open room.”

Hunyo 25 sang nakabatyag sang sintomas sang COVID-19 ang ila trainer nga lalaki rason nga nagpa-test kag Hunyo 29 nagpahibalo siya nga nagpositibo siya sa virus.

Sa kabug-usan suno kay Anna, 17 sila sa sulod sang training room lakip sila nga 14 ka trainees kag naga-updanay sila sa sulod sang 9 ka oras.

Wala gid sila suno sa iya gin-require nga magpaidalum sa RT-PCR testing kag gin-quarantine bisan makabig na sila nga close contact sang trainer nga nagpositibo bangud kaupod sila sa isa lang ka training room.

Gindugang ni Anna, “Ginapa-duty man gihapon kami pero ginhambalan lang kami nga ‘kun gusto niyo magpa-swab – magpa-swab kamo.’ Pero dapat it should be the company…dapat i-reach out kami mismo sang company nga tanan-tanan kami i-quarantine kag for swabbing mismo. Indi ‘ya nga kami ang magpalapit sa ila…like magpakitlouy bala nga dapat i-quarantine kami. It should be their obligation.”

Gin-ako niya nga ginhambalan man sila sang management nga pwede sila nga magpaidalum sa RT-PCR test kun makabatyag sila sang sintomas kag pwede man sila nga mag-quarantine.

Pero ginpahayag ni Anna nga kun mag-quarantine naman sila, “no work, no pay.” Gin-ako niya nga sweldo lang ang ila ginasaligan agud may ipakaon sa ila pamilya.

May duha sila ka upod nga nagmatu-mato na lang pa-RT PCR test kag gilayon nga nag-quarantine.

Nagpakig-angut naman sila sa ila training manager kag ginhambalan sila nga matawag lang sa ila ang taga-Human Resource Department sang ila dapat himuon pero tubtob subong wala gihapon nakatawag sa ila.

Nagapadayon nga nagatrabaho ang nasambit nga mga trainees. Gintinguhaan naman nga makuhaan sang Aksyon Radyo Iloilo sang statement ang kompaniya lakip na ang Iloilo City government.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Pamilya sang food delivery rider nga napatay sang nabungguan sang pribado nga salakyan sa Gen. Luna flyover, kulang ang kwarta nga inugbayad sa ospital agud ma-release ang bangkay
Next post Asawa sang Grab Rider nga napatay sang nabungguan sang Fortuner, nagalain ang buot sa ginpahayag indi maayo nga sugilanon nga nabatian sa driver kag iya mga kaupod