October 7, 2022

Community service nga gin-render ni Congw. Julienne Baronda, ‘bastante na’– Iloilo City Compliance Team head Nestor Canong

Read Time:1 Minute, 13 Second

Bastante na para kay Iloilo City Compliance Team Head Nestor Canong ang gin-render nga lima ka adlaw nga pag-community service ni Cong. Julienne “Jam-jam” Baronda bilang penalidad sa pagtambong niya sa mass gathering event sang taga-Bureau of Fire Protection 6 sa Alta Tierra Village sang Hunyo 10 bisan nga ginadumilian.

Suno kay Mr. Canong, kun basehan ang personal nga pondo nga gingasto sang kongresista kag personal niya man nga pagpanagtag sang pagkaon sa vaccination team sang siyudad, “more than enough” na ini nga penalidad. “Ang lima ka adlaw bali nga iya nga pagserbisyo sa mga vaccination sites naton, is more than enough bali, in terms sang iya personal nga kwarta nga nagguwa. Kag mismo nga siya lang gid lang isa ang nagahakot, nagaguyod sang iya nga kulukareto, kag nagapanagtag isa-isa sa mga frontline workers, sa mga ginatos bali nga mga medical personnel naton, for me sa akon neutral nga pag-observe bastante na ‘to,” suno kay Mr. Canong.

Bilang community service, nagpanagtag sang pagkaon sa vaccination team sa mga vaccination sites sang siyudad si Cong. Baronda. June 30, una siya nga nanghatag sa CPU; July 5 sa San Agustin; July 6 sa Iloilo Convention Center; July 7 sa Ateneo de Iloilo; kag kaina, July 8 sa UP-city campus siya nagpanagtag.

Si Mr. Canong ang gintugyan ni Iloilo Mayor Jerry Treñas nga mag-monitor sang pag-community service ni Cong. Baronda kag sang taga-BFP6. | via Firing Line

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Balasan, may pinakamadamo nga putot nga kabataan sa probinsya sang Iloilo bangud kulang sa nutrition — NNC6
Next post Lalaki nga nagawali kag 2 pasahero sa modernized jeep, nakuhaan sang video nga nagabaisay