‘It is within our jurisdiction to take action’ — NAPOLCOM 6 Director Atty. Joseph Celis sa ila pag-imbestigar sa pulis nga nadakpan nga nagabulang sa Cagbang, Oton
ILOILO CITY — Nag-conduct na sang motu propio investigation ang National Police Commission (NAPOLCOM 6) kay Police Corporal Virgilio Rojo, Jr., nga nagpalagyo matapos nadakpan sa illegal gambling operation sa Cagbang, Oton sang Hulyo 11.
Suno kay NAPOLCOM 6 Regional Director Atty. Joseph Celis, gilayon siya nga nagpadala sang imbestigador sa Oton Police Station agud mangusisa sa insidente.
Sa initial information nga nakuha sang imbestigador, ginpahayag nga nakasinggit si Rojo nga “tiruha niyo lang ko basta makapalagyo lang gid ko ya.”
Natukiban man sa record nga nakaagi palupok sang pusil kag nagpamahog sa Oton si Rojo kag ginasaylo-saylo sang assignment bangud sang iya pagkasalawayon suno kay Celis.
Sa subong, indi pa makasugid si Celis kun ano nga kaso ang i-file batok kay Rojo bangud nagapadayon pa ang ila imbestigasyon. — via Aksyon BBB