Operasyon sang Peryahan ng Bayan sa siyudad, probinsya sang Iloilo, suspended

ILOILO — Suspended ang operasyon sang Peryahan Ng Bayan sang Globaltech Mobile Online Corporation sa probinsya kag siyudad sang Iloilo.

Ini base sa mga dokumento nga ginpresentar ni Mr. Ryan Avelino, assistant branch manager sang Philippine Charity Sweepstakes Office 6.

Nagpamalibad na nga maghatag sang kaathagan kag dugang nga pahayag si Avelino sa Aksyon Radyo Iloilo angut diri.

Wala nalakip ang Iloilo City kag Iloilo Province sa mga lugar sa diin puwede maka-operate ang Peryahan Ng Bayan sang Globaltech.

Ginhatagan sang PCSO ang Globaltech sang authority to operate sang mga ‘games’ sa Peryahan Ng Bayan pero experimental ukon test run lang ini halin Nobyembre 1, 2015 tubtob Marso 31, 2016 nga period.

Nalakip man sa authority nga ginhatag sa Globaltech ang paghimo sang operasyon sa 15 ka mga lugar sa Pilipinas lakip ang Negros Occidental. — via Aksyon El John Mejia