September 26, 2022

Tricycle driver, dakop sa drug buy bust operation sa La Paz

Read Time:49 Second

ILOILO CITY – Dakop ang tricycle driver sa buy bust operation sang Molo police sa atubang sang La Paz plaza kahapon sang hapon, Hulyo 14.

Ginkilala ang nadakpan kay Raclem Escobar, 37-anyos sang Brgy. Ingore, La Paz.

Nakuha sa subject ang lima ka sachets sang suspected shabu kag P12,100 nga buy bust money.

Ginabanta sa P156,400 ang balor sang suspected illegal drugs nga nakuha kay Escobar.

Ginpahayag naman ni Escobar nga indi iya ang nakuha nga illegal drugs bangud sa pagpati niya nga bulong ang iya ginkuha sa babaye nga gintabo niya sa Palawan Pawnshop.

Dugang pa ni Escobar, indi niya kilala gid ang babaye nga gintabo niya.

Ang abyan niya lang ang naghatag sang iya cellphone number sa babaye nga amo ang nagtawag sa iya.

Suno kay PMAJ Marlene Roquero, hepe sang Molo Police Station, nabutang sa suludlan sang bulong ang items.

Gina-validate sang Molo police ang identity sang babaye nga ginkuhaan ni Escobar sang supply. – via Angel Mae Ciudad

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Iloilo City Mayor Jerry Treñas, rank no. 6 nga may pinakamataas nga job approval rating sa mga city mayors sa guwa sang NCR — Survey
Next post PCpl Virgilio Rojo Jr. nga nadakpan sa illegal nga pabulang sa Oton, nag-turnover sang iya issued firearms sa ICPO