October 7, 2022

Iloilo City, Iloilo Province, nagpadala sa IATF sang appeal nga ipabilin sa MECQ ang syudad kag probinsya

Read Time:1 Minute, 10 Second

ILOILO CITY – Nagpadala sang urgent appeal si Iloilo City Mayor Jerry Treñas sa national Inter-Agency Task Force nga ipabilin sa modified enhanced community quarantine (MECQ) ukon sa manubo nga quarantine classification ang syudad halin Hulyo 16 tubtob sa katapusan sang bulan imbes sa enhanced community quarantine (ECQ).

Suno kay Mayor Treñas, indi pa handa ang syudad sa ECQ bangud kinahanglan nga pakan-on ang mga apektado nga pumuluyo.

Dugang sang alkalde, madamo nga mga negosyo kag trabaho ang madula kun ipaidalum sa ECQ ang syudad.

Gin-ako sang alkalde nga nakibot siya sang nahibaluan nga ginrekomendar sang NIATF nga ipaidalum sa ECQ ang syudad. Wala suno sa iya sang basehan ang amo nga rekomendasyon.

Bisan ang regional IATF, dugang sang alkalde, ang nakibot kun diin naghalin ang rekomendasyon nga ipaidalum sa ECQ ang syudad kag probinsiya sang Iloilo.

“NAG-APPEAL MAN”

Ginkumpirmar naman ni Provincial Administrator Atty. Suzette Mamon nga nakapadala na sang apelasyon ang Provincial Government sa NIATF nga ipabilin sa MECQ ang probinsya.

Ginhimo ini sang probinsiya kasunod sang emergency meeting nga ginpatawag Iloilo Governor Arthur Defensor Jr., kaupod ang taga-RIATF, Provincial Civil Defense Team kag DOH 6.

Suno kay Atty. Mamon, manubo ang average daily attack rate sang probinsiya. Sa latest report, suno kay Mamon, 5.9% ang ADAR sa probinsya nga kun tan-awon, yara lang sa moderate risk ang quarantine classification sang probinsiya. –via Firingline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Operasyon sang Peryahan ng Bayan, magapadayon suno sa tagdumalahan
Next post Iloilo City, Iloilo province, magapabilin sa MECQ halin Hulyo 16 tubtob 22, 2021