Iloilo City, Iloilo Province, gin-reclassify nga ECQ ‘effective immediately’ tubtob July 31 suno kay Presidential Spox Roque
Sa interview sang Aksyon Radyo Iloilo, ginkumpirmar ni Presidential spokesperson Harry Roque nga gin-reclassify sa Enhanced Community Quarantine (ECQ) ang status sa Iloilo City kag Iloilo Province “EFFECTIVE IMMEDIATELY” tubtob Hulyo 31, 2021.
Ang ECQ amo ang pinaka-istrikto nga quarantine classification sa pungsod.
Base sa pahayag ni Roque, ginpahayag niya nga ang ECQ sugod subong nga adlaw tubtob Hulyo 31.
“Immediately. This did not go through the regular process of IATF meeting. It was recommended by experts. It’s a precaution against the entry of more deadly variants. Ang totoo lang niyan we didnt have an IATF meeting. It was recommended by experts and it has adopted to be right away,” ang kumpirmasyon ni Roque.
Una na nabutang sa post sa iya Facebook page, nga, “The Inter-Agency Task Force (IATF) escalated the community quarantine classification of Iloilo Province and Iloilo City from Modified Enhanced Community Quarantine (MECQ) until July 22, 2021 to Enhanced Community Quarantine (ECQ) until July 31, 2021.”
Una nga gin-extend ang Modified Enhanced Community Quarantine (MECQ) sa syudad kag probinsya sang Iloilo tubtob Hulyo 22, pero nagpagguwa sang bag-o nga announcement si Roque subong nga hapon.
Magluwas sa syudad kag probinsya sang Iloilo, ginpa-idalum man sa ECQ ang Cagayan de Oro City kag Gingoog City sa Misamis Oriental tubtob man sa katapusan sang bulan.
Samtang, ginpalawig tubtob Hulyo 31 halin Hulyo 22 ang General Community Quarantine with heightened restrictions sa Antique.
Halin naman sa Modified GCQ, ginpataas sa GCQ with heightened restrictions tubtob Hulyo 31 ang Misamis Oriental.
Ginhimo, suno kay Roque, ang reclassification kasunod sang rekomendasyon sang Department of Health, Technical Advisory Group sang DOH kag Technical Working Group on COVID-19 Variants. —via Presidential Spokesperson Harry Roque