‘Waay kita [sang] liquor ban’ — Iloilo Gov. Arthur Defensor, Jr. samtang naka-ECQ ang probinsiya

ILOILO – “Waay kita [sang] liquor ban.”

Ini ang gin-athag ni Iloilo Governor Arthur Defensor Jr., bisan napaidalum ang probinsiya sa Enhanced Community Quarantine (ECQ) tubtob sa katapusan sang bulan.

Suno kay Defensor, pwede nga makabakal sang makahulubog nga ilimnon pero sa sulod sang balay lang imnon. Indi man pwede nga makatipon-tipon sang mga indi kaupod sa sulod sang balay.

Wala man ginapasugtan suno sa iya ang pagtipon-tipon ilabe na sa guwa sang balay.

Samtang nagapabilin halin sa las-9 sa gab-i tubtob las-4 sa kaagahon ang curfew sa probinsiya, sandig sa ordinansa.

Wala pa napaguwa ang Executive Order ni Governor Defensor may kaangtanan diri.