September 26, 2022

‘Why report [Delta variant] after two months and blame Iloilo, putting Iloilo into ECQ?’ — Antique Gov. Rhodora Cadiao

Read Time:1 Minute, 47 Second

ANTIQUE — Ginkakibot ni Antique Governor Rhodora Cadiao ang impormasyon nga may Delta variant sang COVID-19 sa probinsya sang Antique.

Suno kay Cadiao, kaina lang siya sang aga, Hulyo 16, nakabaton sang tawag halin sa Provincial Health Office nga may Delta variant nga na-detect sa ila nga lugar pero sang Mayo pa.

Ginkwestyun ni Cadiao nga, “That’s two months ago. Ano’ng nangyari?”

Suno Department of Health (DOH) 6, Mayo 27 sang nakita-an sang sintomas sang COVID-19 ang mag-asawa nga senior citizens sa Antique rason nga ginpaidalum sila sa RT-PCR test sang Mayo 29 kag positibo sa COVID-19 ang resulta.

Hunyo 11 sang ginpadala sa Philippine Genome Center ang ila specimen para sa genome sequencing kag subong nga adlaw, nagguwa ang resulta nga Delta variant ang nagtapik mag-asawa.

Nakatapos sang iya mandatory quarantine ang lalaki, samtang napatay naman ang babaye sang Mayo 31.

Protocol na suno sa goberndor nga gina-contact trace ang mga gin-identify nga close contact sang mga nagpositibo kag ginpahayag niya nga natapos na ang contact tracing.

“Why report after two months and blame Iloilo, putting Iloilo into ECQ, when in fact the cases came from Antique. And that is already long and foregone (sic), nakalimutan na ‘yon, matagal na. Not unless na mag-imbento sila na kunyari may variant dito sa Antique na naman o may variant sa Iloilo. Medyo ‘yan nakakatawa na ‘yan, hindi na ako naniniwala diyan,” pabutyag sang gobernador.

Ginpabutyag pa niya nga kun kaisa, wala nagapareho ang data sang COVID-19 cases sa probinsya.

Indi lango-lango ang COVID-19 suno kay Cadiao kag kinahanglan nga ensakto ang pag-report bangud nagahatag ini sang kakulba sa mga residente.

Kuntani suno kay Cadiao, wala na lang ini gin-report sang DOH ilabe pa nga nag-ayo ang pamilya sang privacy.

Ginakabalak-an sang gobernador nga i-discriminate ang mga taga-Antique gani suno sa iya, “DOH should be very thorough in what they are doing in their reporting. Especially, they have to take in consideration din naman, ‘yung mga sensitivities ng tao. At yung privacy ng tao.” — via Aksyon Firingline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Biyahe sang RoRo kag fast craft vessels halin Iloilo pa-Bacolod City vice versa, magapadayon samtang wala pa sang bag-o nga guidelines — PCG-Iloilo
Next post ‘Waay kita [sang] liquor ban’ — Iloilo Gov. Arthur Defensor, Jr. samtang naka-ECQ ang probinsiya