September 26, 2022

Paghatag sang food packs sa mga nadulaan sang trabaho kasunod sang pagpaidalum sa ECQ sang Iloilo province, nagadepende sa DSWD–LMP-Iloilo Chapter Pres. kag San Enrique Mayor Trixie Fernandez

Read Time:1 Minute, 1 Second

ILOILO — Indi alalangay ang paghatag sang food packs nga ginhatag sang Department of Social Welfare and Development ukon DSWD sa mga nadulaan sang trabaho sa kada banwa pagkatapos ginpaidalum sa enhanced community quarantine ukon ECQ ang Iloilo Province.

Suno kay League of Municipalities of the Philippines ukon LMP Iloilo Chapter President kag San Enrique Mayor Trixie Fernandez, nagadepende sa kinahanglanon kag prayoridad sang kada local government unit ang paghatag sang food packs halin sa DSWD6.

Gin-athag ni Fernandez nga wala sila sang kasugtanan sa DSWD kun pila ang ihatag nga food packs sa kada banwa.

Dugang ni Fernandez nga DSWD ang naga-decide kun pila ang ihatag sa kada LGU bangud wala sang klaro nga guidelines sa paghatag sang food packs para sa mga nadulaan sang trabaho.

Samtang, may ihatag nga cash assistance ang DSWD sa Iloilo Province kasunod sang pagpaidalum sa enhanced community quarantine ukon ECQ sang probinsiya.

Suno kay Fernandez, wala pa sang may gintumod nga benepisyaryo ang DSWD nga hatagan sang cash assistance pero ginalauman nga ipanagtag ini antes matapos ang ECQ sa probinisya.

Wala pa nakahibalo si Fernandez kun pila ang ihatag nga cash assistance bangud nagahulat sila sang impormasyon kag guidelines halin sa DSWD. — via Aksyon Firingline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post ‘Resign ka na lang kay indi ka mapuslan sa serbisyo’ — NAPOLCOM 6 Director Joseph Celis kay Cpl. Virgilio Rojo, Jr., ang pulis nga nadakpan nagabulang sa Oton
Next post S-Pass, i-require sa mga returning residents nga magsulod sa Iloilo province sugod Hulyo 22 — IPPO Director Gilbert Gorero