Antique Prov’l Gov’t, nagahimo sang massive vaccination vs COVID-19 kasunod sang na-detect nga 2 cases sang Delta variant sa probinsya

ANTIQUE – Ginpasangkad pa gid sang Antique Provincial government ang vaccination program batok sa COVID-19.

Ini ang ginpahayag ni Antique Governor Rhodora Cadiao kasunod sang na-detect nga duha ka kaso sang Delta COVID-19 variant sa Pandan, Antique.

Suno kay Cadiao, nakabaton sila sang 25,000 doses sang Johnson and Johnson COVID-19 vaccines halin sa national government. 5,000 doses ang gin-alokar sa Pandan.

“We are in massive vaccination [batok sa COVID]. Nakabaton kami kang 25,000 [doses] nga Johnson and Johnson [COVID-19] vaccine. So gintugro ko gid to halos ang more than half of that 25[000 doses] didto sa Norte especially in Pandan – I gave them 5,000 doses no.”

Single shot lang ang J&J vaccine. Ginmandu naman ni Cadiao sa mga alkalde kag punong barangay sa probinsiya ang house-to-house vaccination.

Magluwas sa masangkaron nga pagpangbakuna, ginpabaskog man sang probinsiya ang contact tracing.