Mga punong barangay sang Sinikaway kag Alalasan, Lapuz, ipatawag sang ASISU kun matapos na ang ECQ agud desisyunan ang himuon sa gate nga ginpahamtang sa boundary sang duha ka barangay
ILOILO CITY — Desisyunan sang taga Anti-Squatting and Illegal Structures Unit (ASISU) kun ma-lift na ang ECQ sa Iloilo City kun kakason ukon indi ang gate nga ginpabutang ni Sinikway Punong barangay Corazon Coo sa boundary sang Brgy. Sinikway kag Alalasan, Lapuz.
Suno kay ASISU Head Love Joy Hosenilla, ipatawag nila liwat ang mga kapitan sang duha ka mga barangay agud nga masugilanon, kun matapos na ang pagpaidalum sa siyudad sa ECQ.
Sa subong suno kay Mr. Hosenilla, may kinamatarong nga magbutang sang gate ang Brgy. Sinikway bangud para man sa kaayuhan sang ila residente ang katuyuan sang pagpabutang nila sang gate. Importante suno sa iya nga may mabantay lang nga mga tanod agud nga magbukas kun kinahanglan.
Ginpaathag naman ni Hosenilla nga indi makapabutang sang gate si Alalasan Punong Brgy. Maricon Sumpio sa pihak nga parte sang gate sang Sinikway bangud pribado ini nga lote.
Dugang pa ni Hosenilla, wala sang kinamatarong si Punong Brgy. Sumpio nga pahilabtan ang gate sang Sinikway bangud indi na ini sakop sang iya nga barangay.
