Pinay weightlifter Hidilyn Diaz, magabaton sang P35.5 million nga padya, house and lot, condo unit, kasunod sang iya pagdaug sang labing una nga Olympic gold para sa Pilipinas
Nagalab-ut sa P35.5 million ang mabaton nga padya ni Pinay weightlifter Hidilyn Diaz kasunod sang iya pagdaug sang labing una nga Olympic gold para sa Pilipinas.
Yari ang breakdown sang iya mabaton nga cash reward:
P10 million – halin sa national gov’t base sa RA No. 10699 (National Athletes and Coaches Benefits and Incentives Act
)P10 million – Manny V. Pangilinan, sports patron, business tycoon
P10 million – Ramon Ang, San Miguel Corporation
P3 million – House deputy speaker Mikee Romero
P2.5 million – Zamboanga City, hometown ni Diaz
Magabaton man sang Tagaytay City house and lot ang labing una nga Filipino Olympic Gold Medalist.
Hatagan man ni Andrew Tan, sang Megaworld Corp., si Diaz sang P14-million residential condominium unit sa Eastwood City.
Ginpahayag ni Megaworld chief strategy officer Kevin Tan nga nagakadapat lang nga hatagan ang first-ever Olympic gold medalist sang balay sa first-ever township, Eastwood City agud ma-enjoy ang township lifestyle kaupod ang iya pamilya.
Mas madamo pa gid nga incentives ang nagahulat kay Diaz halin kay Presidente Rodrigo Duterte, Senado, Congress kag private sectors.
Magahatag man ang Philippine Olympic Committee sang token amount pareho sang ginhimo sini sa tiun sang 2019 SEA Games. — with reports from Philstar, GMA