Mga punong barangay sa Iloilo City, mahimo na makapanglista sang mga beneficiaries sang cash aid halin sa DSWD6
ILOILO CITY — May mandu na sa mga punong barangay sa siyudad nga magpanglista sang mga beneficiaries sang cash aid nga halin sa Department of Social Welfare and Development (DSWD) 6.
Suno kay Iloilo City Liga ng mga Barangay Vice Presidente kag Calumpang, Molo Punong Barangay Roberto Niño Jr., prayoridad sa ila pagpanglista ang mga nadala sadto sa Special Amelioration Program (SAP), miebro sang 4Ps, mga vulnerable sector, kag ang mga nadulaan sang trabaho bangud sang ECQ.
Naghingyo si Niño sang paghangop sa publiko madamo ang posible mag-reklamo kun indi madala sa listahan.
Gin-athag niya man nga wala pa sila sang nabaton nga official guidelines may kaangtanan sa tagtaganay sang ayuda.