October 7, 2022

Pagpangita sang lulubngan sa mga napatay sa COVID-19, isa sa mga ginakonsiderar nga pamaagi sang Iloilo province sa pag-handle sang mga napatay sa COVID-19

Read Time:59 Second

ILOILO — Gindiskusyunan sa ginpatawag nga meeting ni Iloilo Gov. Arthur Defensor Jr., upod sa mayor sa probinsiya sa iban pa nga mga ahensiya sang gobyerno sang Agosto 3 ang mga pamaagi kun paano i-handle ang mga bangkay sang mga napatay sa COVID-19.

Isa sa mga ginapilian suno kay League of Municipalities of the Philippines-Iloilo Pres. Trixie Fernandez, ang pagpangita sang mga LGUs sang lulubngan.

Pero ginapaligban pa nila kun paano maka-acquire sang duta agud mahimo nga burial site bangud indi pa maathag suno sa iya ang mga guidelines sa pag-convert sang mga lote sa lulubngan.

Bisan ang taga-DENR suno kay Mayor Fernandez, indi man makapaathag sa ila. Ang guidelines naman sang DOH suno sa iya, ang tubtob lang sa paghandle sa patay halin sa ospital pakadto sa mga lulubngan ukon sa crematorium.

Wala naplastar kun ano ang proseso sang paglubong kag pagpangita sang lulubngan dugang pa ni Fernandez.

Magluwas diri isa man sa option sang provincial government ang pagbakal sang mga freezer container agud butangan sang bangkay samtang nagahulat nga i-cremate.

May punerarya man suno sa Oton, nga nagpabutyag handa sila mag-cater sang cremation services. — via Aksyon Night Patrol

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Iloilo City government, plano nga mag-arkila sang freezer van bilang temporary storage sang mga patay
Next post COVID-19 vaccination program sa Iloilo City, ginbuksan na sa tanan nga taga-siyudad nga nakapa-preregister — Mayor Jerry Treñas