October 7, 2022

Mag-asawa, patay sang nagbungguanay ang tricycle kag SUV sa Zarraga

Read Time:58 Second

ZARRAGA, ILOILO – Patay ang mag-asawa sang nagbungguanay ang ila ginasakyan nga angkar-angkar sa kasugata nga SUV sa Brgy. Dawis Sur, kahapon, Agosto 8.

Ginkilala ang mga napatay kanday Maria Luisa, 38 anyos kag Eliseo Anativo Jr., 42 anyos, sang Brgy. Tanza Baybay, City Proper nga naka-agom sang nagkalain-lain nga pilas sa ila nga lawas.

Pilason man ang isa pa ka sakay sang angkar-angkar nga ginkilala kay Jade Babao, 34 anyos sang amo man nga barangay.

Sa imbestigasyon sang Zarraga Police, nagapadulong sa Iloilo City halin sa Pototan ang angkar-angkar nga ginamaneho ni Anativo sang nakabunggo sa SUV nga ginamaneho ni John Christopher Surmion, 21 anyos sang Brgy. Catoogan, Pototan.

Base sa inisyal nga impormasyon sang mga nakakita sa aksidente, nagkadto sa linya sang SUV ang angkar-angkar kabangdanan nga nagbungguanay ang duha ka mga salakyan.

Ginhingagaw dala ang tatlo ka sakay sang angkar-angkar sa Iloilo Provincial Hospital sa Pototan, apang gindeklarar nga dead-on-arrival ang mag-asawa.

Gin-custody naman sang Zarraga ang driver sang SUV para sa dugang nga imbestigasyon.

Ginatinguhaan man sang Aksyon Radyo Iloilo nga makuhaan sang pahayag ang driver sang SUV.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post ICPO, liwat nag-athag nga indi requirement ang quarantine ukon travel pass sa paglabay sa Border Control Points sa Iloilo City
Next post Lalaki, nasapwan patay sa Yulo St., City Proper