Masobra 10 motorsiklo, gin-hold sang Oton police bangud nadakpan nga naga-drag race

ILOILO — Gin-hold sang Oton Police ang kapin 10 ka mga motorsiklo nga nadakpan naga-drag race sa Abilay Sur, Oton kahapon sang hapon.

Suno kay Police Captain Robert Jayson Pancha, hepe sang Oton Police, may nabaton sila nga impormasyon nga may naga-drag race sa amo nga lugar.

Dugang pa ni Pancha nga tinuig na nila nga problema sa Oton ang mga naga-drag race.

Magluwas sa mga motorsiklo may mga salakyan man nga ginpang-check sang LTO kag HPG nga ara sa area.May lima ka lalaki nga napilasan bangud na aksidente.

Nagapadayon pa ang inventory sang mga police sa kun pila tanan ka mga salakyan. — via Aksyon Angel Mae Ciudad