Mga Non-APORs nga magalabay sa municipal borders sa Antique, i-require sang travel pass

I-require sang travel pass ang Non-APORs nga magalabay sa municipal borders sa Antique sa sulod sang duha ka semana umpisa subong, Agosto 11.

Ini ang nahisugtan sa ginpatawag nga Provincial Inter-Agency Task Force Meeting ni Antique Governor Rhodora Cadiao kaupod ang 18 ka mga alkalde matapos nagapabilin sa General Community Quarantine (GCQ) with heightened restrictions ang probinsiya umpisa Agosto 11 tubtob Agosto 31, 2021.

Tinutuyo sini, suno sa IATF nga mapunggan ang paglapta sang COVID-19 partikular ang na-detect nga Delta variant cases sa probinsiya.

Makabulig man ini para malimitahan ang hulag sang mga tawo ilabe na ang may non-essential travel.

APORs lang kag mga indibidwal nga may essential travel ang pasugtan nga makalabay sa municipal borders. Ang travel pass, makuha sa kada LGU sa probinsiya. l via Province of Antique