Mga nagabiyahe nga taxi sa Iloilo City, diutay na lang bangud sa epekto sang COVID-19 pandemic — ATOP Pres. Perfecto Yap

ILOILO CITY — 20% tubtob 25% na lang ka mga drivers sang taxi ang nagabiyahe sa Iloilo City.

Suno kay Association of Taxi Operators in Panay ukon ATOP President Perfecto Yap, nagdiutay pa gid ang nagabiyahe subong matapos ginpaidalum sa enhanced community quarantine ang siyudad.

Ginabanta ni Yap nga masobra na lang 1,000 taxi drivers ang nagabiyahe sa syudad halin sa kapin 5,000 taxi drivers.

Kalabanan sa ila, dugang ni Yap ang nagpangita sang alternatibo nga pangabuhian bangud kulang ang ginakita nila sa pagbiyahe sang taxi epekto sang COVID-19 pandemic. — via Aksyon Firingline