ADVISORY | Phil. Airlines kag Air Asia, gin-cancel ang ila flights sa mga pinili nga adlaw subong nga bulan bangud sa pagpaidalum sa ECQ sa Metro Manila kag Iloilo City
ILOILO — Gin-cancel sang Philippine Airlines kag Air Asia ang ila flights halin Manila pakadto Iloilo makaligad ginpaidalum sa Enhanced Community Quarantine ang Metro Manila kag Iloilo City.
Suno kay Terminal Supervisor Arthur Parreño, gin-cancel sang Philippine Airlines ang flight 2P 2141 kag 2P 2142 (Iloilo-Manila; Manila-Iloilo) sa Agosto 12, 14, 17, kag 19.
Gin-suspend naman sang Air Asia ang flights Z2 309 kag 310 ( Iloilo-Manila; Manila-Iloilo) sa Agosto 11 kag 18 bangud sa ECQ.
Samtang, ginpahayag ni Parreño nga padayon nga naga-operate ang Cebu Pacific Manila-Iloilo-Manila route bangud wala pa sila nakapaguwa sang advisory.
Dugang ni Parreño nga wala naman gin-untat ang sweeper flights sang Overseas Workers Welfare Administration nga padayon kada adlaw. — via Aksyon Firingline